التعلم الداتي و الحصول على شهادة

 التعلم الداتي و الحصول على شهادة

التعلم الداتي

التعلم الداتي هو من احسن الحويج لي تقدر تعلمهم فحياتك و لي اينفعوك بزاف و لي اتستافد منهم , و لي مراكز تيعلما ب زبالة ديال الفلوس نتا عندك فرصة ستغلها

السلام، كيفما سبق لي او واعدتكم في البوسط لي كدوي على مواقع كتعطيك ديبلوم فابور بلي غادي تكون شروحات ديال مواقع لي كتعطيك ديبلوم 
بالمجان اليوم في هاد المنشور غادي نقدم ليكم الشرح ديال "udemy.com" كنتمنى الشرح اكون وافي او مزيان + نكون شرحتو من جميع الجوانب.

: بلا منطول عليكم نبداو على بركة الله



1)الطريقة هي كاتالي لي عندو Pc الخطوات بادية من 1 الى 10 و بالنسبة لعندهم تيليفون من 11 الى 21 + الشرح راه بالصور.1)اول شيئ هي تصيب حساب ديالك الطريقة بسيطة دخل الـ udemy.com وكليك على s'inscrire.

2)خاصك تدخل الاسم الحقيقي ديالك لحقاش هو لي غادي اتكتب في الديبلوم(الاسم بالفرنسية)+ الجيميل او البريد الالكتروني + كلمة السر و متنساش تڤاليدي او توافق على القوانين.

3)في حالة كونتي عارف علاياش كتقلب والاسم ديال الكورس عارفو (بالانجليزية) يمكن ليك تخدم غير بغوشيغش.

4)في حالة كنتي باغي تخدم بالتصنيف او المجموعات دير كليك على categories.

5)كليك على جميع الدروس (Tous les cours).

6)كليك على الثمن(prix).

7)كليك على مجاني(gratuit).

8)ختار التسجيل الآن (s'inscrire dès maintenant)

9)ختار الدخول الى الدرس (accéder au cours )

10)فاش كتقوم بالخطوة 9 كديك الصفحة فيها الفيديو الاول ديال الدرس كيف ماكتلاحظ في الصورة فالرقم10 غادي تحتاجوا في حالة الاستاذ كان حاط ملف (pdf) او اي شيئ باش ادعم الدرس ديالو، باش غادي تعرفها؟
اسيدي/الالة وسط الدرس الاستاذ غادي اقولها لك. اذن الخطوة 10 هي كليك على
(accéder au tableau de bord )

11)تما فين غادي تلقا الملفات لي حطها البروف.

12) في حالة كنتي خرجتي من الكورس او عاودتي رجعتي باش تدخل ليه كليك عليها غادي تكمل فين وقفتي آخر مرة.

13)في حالة خرجتي او بغيتي تكمل في وقت آخر اذن فاش غادي ترجع اي درس مسجل فيه غادي تقدر تدخل ليه من هاديك رقم 13 اي كورس (mes cours).

14)في حالة كملتي الفيديوهات كاملين او نجحتي في الامتحان في حالة كان فمنهنا تقدر تقوم بتحميل الديبلوم ديالك بالضغط على الكأس وهاكذا غادي اديك لصفحة اخرى لي هي الخطوة 15.

15)في هاد الخطة غادي تكليكي على تحميل (télécharger).

16)غادي ابانو لك جوج ديال الخيارات في حالة بغيتي ديبلوم في (pdf) ختار (pdf.) بغيتيه على شكل صورة ختار (jpg.)

📢 كنتمنى اكون شرح مزيان، دبا غادي ندوزو لشرح التيليفونات 

17)غادي تدير كليك على هادوك الخطوط الثلاثة.

18)ختار تسجيل (s'inscrire).

19)كيف ديما الاسم الكامل باللغة الفرنسية+البريد الالكتروني+كلمة السر ومتنساوش توافقوا على القوانين.

20)في حالة كونتي عارف علاياش كتقلب والاسم ديال الكورس عارفو (بالانجليزية) يمكن ليك تخدم غير بغوشيغش.

21+22)في حالة كنتي باغي تخدم بالتصنيف او المجموعات دير كليك على categories.

23)في حالة سبق لك تسجلتي فشي كورس او بغيتي ترجع ليه يمكن لك ترجع ليه من كورساتي (mes cours).

24)كليك على (affiner) ولي منها غادي تختار مجانا.

25+26)فهاد القائمة نزل لتحت ختار مجانا(gratuit) وعاود رجع الفوق او دير كليك على علامة(X).

27)ختار الكورس لي عجبك باش تبدا فيه.

28)سد هاد النافذة من علامة(X).

29)باش تكمل او تبدا الكورس كليك على(continuer.. )

30)في حالة كان الاستاذ قاليك وسط للدرس بلي كين شي ملف pdf او موقع... فراك غادي تلقاه تما.

31)في حالة كملتي الفيديوهات او نجحتي في الامتحان في حالة كان فبمجرد تدير كليك على الكأس غادي تديك الصفحة اخرى لي هي الخطوة الماجية.

32+33)فاش غادي تدير كليك على تحميل غادي اعطيك جوج خيارات ختار اما (pdf.) في حالة بغيتي ديبلوم على شكل pdf اما على شكل صورة فختار (jpg.).


كنتمنى نكون شرحت كلشي، غادي تقدر نتعطل في للشرح ديال المواقع الأخرى ولكن قديو بهذا اخوتي.
متنساش طاغي+تبارطاجي معا صحابك.
التعلم الداتي هو من احسن الحويج لي تقدر تعلمهم فحياتك و لي اينفعوك بزاف و لي اتستافد منهم , و لي مراكز تيعلما ب زبالة ديال الفلوس نتا عندك فرصة ستغلها
مع السلامة في منشور آخر انشاء الله...