أفاق شعبة العلوم الإقتصادية
🚫⬇ أفاق شعبة العلوم الإقتصادية ⬇🚫
- 🔥 É C O N O M I E 🔥
⚠موضوع شامل نظراً لكثرة التساؤولات ✌ طاغي ليبغيتيه يستافد
⚠المرجو النشر لتعم الفائدة ✌
________________________________
بسم الله ✌
أولاً شعبة الإقتصاد من الشعب لي ولا الطلب عليها كتير و بزاف فالمغرب .. شعبة ماشي ساهلة كيف كيعتقد الكتير .. و أصلا مادمت في التعليم العالي مكاينة تاحاجة ساهلة .. إلا مخدمتيش عليها و خليتي قدامك هدف باغي توصل ليه بالعمل و الصبر و التوكل على الله .. سيرتوا أنها شعبة مطلوبة بزاف ف الميدان الخاص و أكيد حتى العام ليكيتوظفوا خلالو متصرفين من الدرجة الثالثة (إجازة) أو من الدرجة الثانية (الماستر) ولي مكيعرفوش الأغلبية فالطلبة 💡 أنو الماستر فالايكونومي يعادل ماستر ف ماط-أنفو يعني عندهم نفس الدرجة .. و حاجة أخرى مكينش فرق بين ماستر ف الإقتصاد و ديبلوم المدارس الوطنية للتجارة و التسيير (ENCG) ..
⚠ شنو ممكن ندير بديبلوم ايكونومي ؟ شنو يمكن لي نخدم فيه ⬇
سؤال كيتطرح بزاف غنجاوبك عليه و بالصالير كاع 😄
بالليصونص ف ايكونومي تقدر تخدم ف الميدان الحكومي 😏 مفهمتش ؟ كيفاش ؟
نزيد نشرح ليك و غندخلو شوي ديال الفرونسي لي من صفات صحاب الإيكونومي 😄 .. كيكونو لي كونكور داجون دوطوريطي (Agent D'autorité) و كيوصل فيها الصالير ل 15000درهم و كاين حتى بالنسبة للفينانص .. و بالنسبة لمجموعة من الطلبة الماستر ف إيكو حسن من ENCG إلا ختاريتي فيليير لي مزيانة ..
⚠ واخا .. عندي ماستر ف إيكو؟ شنو ممكن ندير ؟
كاينين مبارايات الماستر IGAT (Inspecteur général d'administration territorial) من درجة والي و ليكبدا الصالير فيها ب 25000 درهم بالضبط و لي كتر منو كاين inspecteur de Finance لي كيوصل تال 30000 درهم و كتر ... و كاين Auditeurs des juridictions financières لي هما قضاة فالمحاكم المالية كيوصل الصالير ديالهوم ل 25000و كتر ... و ف نظر أستاذ جامعي مساعد :"دير ماستر حسن من ديبلوم ENCG ماركوتينغ " و ديما خاسك تفيزي بعيد .. باش توصل هاد الوظائف صعيب آه مي ماشي مستحيل 💪 تق ف مؤهلاتك و حاول ما أمكن تكون دائما فالمستوى .. للإشارة هاد الوظائف ليذكرت كاينين و حتى الصالير ديالهوم مضبوط .. و أقسم بالله أنها معلومات مؤكدة من مصادر موتوقة 👌 ..
______________________
- ⚠ عندي إجازة ف الإقتصاد📈 فاش ممكن نخدم ؟ ⬇
أنت أو إنتي .. عندك إجازة ف الإقتصاد او التدبير يمكن ليك الاشتغال في :
◾ البنوك أو المصارف
◾ إدارة الأعمال في المقاولات
...
و حاجة مهمة لي توجهات لها معظم الشركات أنهم كيخدمو أطر إقتصادية و تجارية ف نفس الوقت ف يمكن لك تخدم بعد دورات تكوينية ⬇
◾ ولوج مهنة المحاسبة
◾ ولوج ميدان البورصة
◾ ولوج مهنة المحاسب العقاري
◾ ولوج ميدان الاقتصاد التسويقي
...
🎉 في حالة التفوق و الحصول على ديبلوم الدراسات الجامعية العام أو المهنية بنقطة جيدة يمكن الترشح للسنة الثالثة عبر مباراة باش دخل للمعهد العالي للتجارة و إدارة المقاولات ISCAE .. و لي كنصح بيه أي طالب أو طالبة متفوقين و عندهم مايقولوا 💪
___________________
⚠
_________
إلا كانت هاذ المعلومات نفعاتك و زادت ليك فالرصيد الفكري ديالك ☺ بارطاجي و طاغي صحابك و صحاباتك لي بعيتيهوم يستافدوا 👏
_________
ليست هناك تعليقات:
إرسال تعليق