- درس لغوي رقم واحد
اول حصة ليكم فالدروس اللغوية
إنه التمييز ! اه فايتين قاريينو ومجموعة من الدروس غي غتعاودوها النسبة كمثال ... المهم التمييز باش نعرفوه كيكون لخر ديالو منصوب يعني فيه تنوين الفتح ً .. يعني مني فالامتحان الجهوي يقولك استخرج تمييز بقا تقراا😂 تاتلاحظ شي كلمة فلخر فيها هاد الحركة ً. لكن ماشي اي كلمة مثلا اشتريت لعبةً تقوليا لعبةً تمييز 🙂 ! را خاص قبل منها مميز هاد المميز كيكون إما مقادير أو عدد .. اجي نفهموا شنوهي مقادير ( كيل وزن مساحة ) مثااال : اشتريت رطلاً تفاحاً ديك رطلا لي عْبْرْنا بيها هي المميز و لي بعدها تمييز وتاني اشتريت فداناً ارضاً ؛ فداناً هي المميز و ارضا تمييز اذن يلا لاحظتوا را المميز هو باش كنعبروا ( العبار زعما ) ببساطة😃 و التمييز هو داك الشيء لي عبرنا سواء كان تفاح🍎أرض🌏 لحم .. وقلنا المميز ممكن يكون عدد تاني ماشي غي مقادير ! كتبت عشرين درساً ✍️📖 درساً فيها الفتح فلخر ياك ؟ اذن تمييز و لي قبل منو عدد هو المميز عشرين .. و كنزيدوا واحد القاعدة بديهية كتقولك مني كيكون عندنا العدد من 3 الى 10 التمييز كيكون جمع مفرد ( خمسة كتبٍ) ومن 11 الى 99 كيكون التمييز مفرد منصوب ( عشرين درساً) و +100 مفرد مجرور ( حضر مئة طالبٍ) ..
كل ما سلف ذكره هو النوع الأول من التمييز و الذي يسمى " تمييز مفرد/ذات" و المميز ديالو كيتسمى " مميز ملفوظ" 😊 يعني مني يقولك فالجهوي ها جملة قوليا نوع التمييز كتقوليهم مفرد او ذات نفس المعنى و نوع المميز ملفوظ .. بالمناسبة ملفوظ يعني منطوق حاضر فالجملة .. هادشي اش كيبين لينا ؟ ان النوع الثاني من التمييز غيكون المميز ديالو غير ملفوظ و غايب من الجملة .. إذن هاد المميز كيتسمى ملحوظ غي كنلاحظوه من سياق الجملة و التمييز ديالو كيتسمى نسبة/جملة را عندهم نفس المعنى كيما النوع الاول مني قلنا ذات او مفرد 😉 ... دابا المميز الملحوظ كيكون اما محول عن فاعل بحال" ازدادت فلانةُ جمالاً " فين هو التمييز ؟ الله يرضي عليك جمالاً حيت فيه النصب فلخر برافو و المميز ؟ فلانةُ ؟ لاااااا ياك قلنا المميز ملحوظ مكاينش فالجملة فهاد النوع الثاني را فلانة فااااعل 😠 ولكن باش عرفنا المميز محول عن فاعل ؟ اجي نقلبوا كلمات الجملة ( ازداد جمالُ فلانة ) ديك التمييز شنو تحول ؟ ) 😀
ولكن باش عرفنا المميز محول عن فاعل ؟ اجي نقلبوا كلمات الجملة ( ازداد جمالُ فلانة ) ديك التمييز شنو تحول ؟ تحول لفاعل را شتو علامة الرفع .. كاين تاني ا سيدي محول عن مفعول به ( فجرنا الأرض عيوناً) التمييز عيوناً رائع 👏 باش نتأكد انه محول عن م.به نقلب ونشوف ( فجرنا عيونَ الارض ) عيون ولات م.به صااافي ساهلة .. كاين ا لالة محول عن مبتدأ ! ( مدينة المحمدية أشد المدن المغربية تلوثاً) تلوثاً لي هي تمييز يلا قلبنا بلاصتها غتولي مبتدأ ( تلوثُ المحمدية أشد من تلوث المدن المغربية) و أخيرا غير محول هذا مهني مني كتجي ديه لبلاصة اخرى مكيبغيش -_- ( بئس سميرةُ جاهلةً) ديك جاهلة ً لي هي تمييز وتقول واش غتحول من بلاصتها وتخلي المعنى زوين وثابت .
المهم هذا هو الدرس كاااامل لي غتبداو به ساهل ديروا ليه خطاطة مني تقراوه ان شاء الله و تزيدوا ففهامتو مزيان و غتلقاو خطاطتي في التعليقات و مسألة عافاكم متهملوهاش هي الحكم الاعرابي حنا تحط لينا فالامتحان الجهوي لجهة الدار البيضاء سطات 2018 ^^ قالك استخرج تمييز وعطي الحكم الاعرابي .. هانتوما فالعدد و فتمييز الجملة ( لي قلنا فيه محول عن ) ديروا منصوب وجوبا ( واجب على التمييز و بز منو يبقى ديما منصوب) و لكن فالمقادير كنقولوا منصوب جوازا حيت ماشي بز من التمييز يبقى غي منصوب ممكن نقولوا اشتريت رطلاً من التفاحِ وماشي غي تفاحاً يعني لا كانت تفاحاً را منصوب جوازا ويلا عطاوكم من التفاحِ را مجرور جوازا ..
#thnx ikram
ليست هناك تعليقات:
إرسال تعليق