تحفيز من اجل الدراسة

       تحفيز من اجل الدراسة

تحفيز من اجل الدراسة

• 😱 منشور كتبتو من القلب .. ف اطار الموتيفاسيون 💪🏻

💠 خيركم من تعلَّم و عَلَّم .. تعليقاتكم كتحفزني نبارطاجي معكم كلشي 🙏🏻❤️

السلام و عليكم 
منشور جديد .. الهدف منو كالعادة .. أنك أنت و نتي تموتيفاو و تعرفوا بلي كيف ماكنتي دابا تقدر واحد النهار تبدل 360 درجة و التغيير للافضل بيدك و مصيرك حتى هو بيدك .. أنت هو مستقبل أنت .. مكنعطيكش وصفة سحرية و إنما كنحاول نبين لك بلي قادر على اي حاجة قادر على اي تحد قادر توصل لاي هدف حطيتيه قدامك و خدمتي عليه و صبرتي و اكبر تحد عندك هو انك تق فراسك ..

 هي مجرد كلمات كنكتبها لكم لكن بكل غيرة عليكم .. على اي واحد و وحدة و هنا كنقصد خاصة طلبة الجامعات المغربية .. تيقو بيا عارف مزيان المستوى الهزيل للجامعة بكل خدماتها لكن ف نفس الوقت عارف بلي ممكن انك توصل رغم هاد الظروف .. ايه هي كلمات كان هدفي منذ انشاء هاد الصفحة اني نكون سبب ف تغيير حياة انسان للافضل و الحمد لله مبدلتش غي واحد .. بزاف منكم .. و اكتر من هذا كاين فيكم لي هضرت مع والديه و تبت لهم بلي لافاك ماشي خايبة و هادشي عطا نتيجة .. مسؤولية كبيرة انك تضمن شي حاجة .. لكن بدراسة لوضعية الطالب و تعرف على مسارو و شخصيتو و اهدافو كاف باش توجهو توجيه صحيح و تموتيفيه على الخدمة .

اختي الطالبة، اخي الطالب ..


اخيب حاجة هي تكون فقير فكريا .. مكيهمنيش مستواك المادي ولا المظهري الا كنتي مكلخ بهاد المفهوم .. نجاحك ف الحياة هو ترجمة لطريقة تفكيرك .. اذن اول خطوة باش تنجح فحياتك هي طريقة تفكيرك .. الفكر ديالك كيخليك تعرف الخطأ من الصواب و تحلل شخصيتك و تعرف لي يليق لك و لي يضرك .. طبعا انت كطالب او طالبة بالجامعة كتعرض لمجموعة من العراقيل سوى من جهتك سوى من محيطك ..

خاسك تكون ذكي ف تعاملك كيف قلت كلشي راجع لفكرك .. متخليش الناس تأثر فيك سلبا .. كنقول هادشي حيت شفت طلبة لي كان مستواهم جيد تلقاو مع صحاب لي دربو لهم تلافة ى ياريت لو كان الفشل غي ف لافاك حيت كتوصل بيهم الدرجة للبلية و ...
الفكر ديالك كيلعب دور كبير ف شخصيتك و وجودك .. متخلي تاحاجة تبدل ليك المغزى من قدومك للجامعة .. جيتي لافاك قدامك مهمة وحدة انك تثبت راسك و تنجح باش مكان .. متقولش ليا لا بروف ناقص لا امتحان صعيب لا خدمت و مجبتش .. مجرد اعذار ضعيفة امام هدفك ..

الموتيفاسيون  بالدارجة 

جرب تحدى نفسك جرب دخل فكرة تحدي لدماغك .. تخاطر مع راسك .. علاش كنقول فكرك اساس نجاحك .. فكر سليم واع كيخليك تحط ف عقليتك مفهوم التخطيط تخطط لحياتك كيفاش دير هادي وقتاش تبدا وقتاش تسالي شنو تسبق شنو توخر .. التخطيط كيخلي عندك مستوى كبير من النضج الذاتي كيولي هدفك توعي راسك و تكون راسك من جميع النواحي .. جرب تجلس مع ناس مثقفة ف مجال من المجالات : سياسة ،تاريخ،كرة،اقتصاد،تكنولوجيا ... كتاخد من هذا و هدا حتى كتلقا عندك رصيد معرفي كبير ليواحد النهار غينفعك و لي كيزيد يفرض شخصيتك امام الناس و تكسب احترامهم ..

مغنجلسش مع واحد لي يبدا يقوليا المغرب مافيه مايدار و لافاك ناقصة و البطالة وزيد و زيد .. ايه من بعد هانتا عرفتي هادشي فاش غينفعك من غير انك تفشل شوي على شوي حتى كتموت لك الارادة و العزيمة .. تجنب هاد النوع من الناس و جرب تعرف على لي حسن منك و لي يقدر يزرع فيك حب المواضبة حب الدراسة حب الطموح و التحدي حب التغيير .. غتشكرني ❤️ تعلم تحب الميدان لي كتقراه و تبغي تقراه عن حب ماشي فايق مع الصباح بزز و جاي بزز و كتسنا وقتاش تخرج تق بيا عمرك طفروا ..

كنعاود نقولها .. حط قدامك هدف و نسا عليك الحلم حيت كيبقا حلم .. الهدف كيحتاج لتخيط و لرزانة و لشخصية قوية و انك متستسلمش مهما كانت ظروفك مهما كان مستواك .. فصغر كانوا كيسولونا اش كتحلم تكون .. و كنا بصح كنجاوبوا بكل براءة كنحلم نولي مهندس طبيبة بوليسي معلمة .. تقنا ف حلمنا و متقناش ف نفسنا اولا .. معطاوناش كيفاش نوصلوا و متبتوش لينا بلي قادرين نوصلوا و بقا الحلم كيموت عام على عام حتى فقدنا التقة فراسنا .. و اليوم حنا كنبنيو اهداف كنخدمو بالمنطق كنخدمو بجهدنا الخاص بتقتنا ف راسنا ب حب
التحدي و بلي قادرين نفرضوا راسنا وسط مجموعة من الاخطاء

___________
بحال ديما 🙏🏻 هادشي كاين لي محتاج يقراه .. فضلا منكم بارطاجيو ❤️ و طاكيو صحابكم و صحاباتكم 💪🏻 غايتنا نبدلو حياتنا و نكسرو قاعدة "مقدرتش" .. هادشي كتبتو من القلب كالعادة ف يا رب قدرنا على فعل ما هو صائب 🤲🏻 شكرا لكم