الفلسفة بالدارجة تانية باك

الفلسفة بالدارجة تانية باك 

• مجزوءة الوضع البشري 

مفهوم الشخص
المحور الأول :الشخص والهوية
من العناوين كتبان لينا القادية معقدة ولكن راه العكس غنحاول ندرج فالشرح
قبل كلشي خاصنا نعرفو مفهوم الشخص : اي واحد يمكن يعرفو مثال: هو ذلك الكائن المفكر الذي يتميز عن باقي الكائنات بالعقل ويعيش وضعية بشرية معقدة ..
وكذلك مفهوم الهوية: مطابقة الذات لذاتها وهي ان يكون الشخص هو هو وهي شيء ثابت (كنقولو بالدارجة كيبقا فصباغتو )
دبا عرفنا المفاهيم اجي ندخلو للمعقول غنعطيكم وضعية بالدارجة ونتوما حاول تستثمروها فالكتابات الفلسفية
""دابا نتا ولا أي واحد ايلا وريناه صورة ديالو فاش كان صغير فالبلاصة غيعرف بلي راه هو هداك يعني الهوية ديالو نفسها .ولكن ايلا خذينا شخص في حالة سكر اولا شي حد واخذ شي ضربة على راسو هو مغيتفكرش الهوية ديالو فالاول ويمكن يكون عندو هوية اخرى بعد الحادثة"
من هاد الوضعية يمكن لينا نخرجو عدة استشكالات :
-ما هو أساس هوية الشخص ؟
-كيف تتحدد هوية الشخص؟
-هل هوية الشخص ثابتة ام متغيرة؟
-هل هوية الشخص مطلقة أم نسبية ؟
...
بالمناسبة ردو البال الأسئلة عليهم نقطة كثر ☆
فهاد الإطار كنلقاو بزاف ديال الفلاسفة هدرو فهاد الموضوع :
- ديكارت:ديما فاش كتسمع ديكارت تفكر " انا أفكر اذن أنا موجود"انطلاقا من هاد الكوجيطو ديكارت كيقول بلي هوية الشخص تتأسس على العقل والتفكير والوعي لأن خاصية الوعي هي مدخل نحو اثبات الوجود والهوية الشخصية
#ديكارت:من اللخر كيأسس هوية الشخص على الوعي والتفكير والعقل
-جون لوك: هاد الفيلسوف عطانا موقف مضاد لموقف ديكارت .لوك كيقول بلي العقل لا يمكن ان يكون اساسا للهوية الشخصية كونه يولد عبارة عن صفحة بيضاء وكمثال أن الولاد الصغار فاش كيتزادو مكيعرفو والو وأي حاجة كيكتشفوها بالتجربة والإحساس بحال النار .. لذلك جون لوك كيأسس هوية الشخص على التجربة والاحساس باعتبارها مدخلا نحو اكتشاف العالم واثبات الذات
#جون_لوك:من اللخر كيأسس الهوية الشخصية على الاحساس والتجربة
يمكن ليكم تزيدو موقف اخر ولكن بشكل ملخص
هاكا غنكونو سالينا الدرس الأول فالفلسفة
☆☆☆الى عجباتكم طريقة وباغين نكمل المجزوءة وتفهمو المواد العلمية بارطاجيو

السلام عليكم من جديد
مجزوءة الوضع البشري
مفهوم الشخص
محور2:قيمة الشخص
كما العادة العناوين كتبان صعييبة ولكن كلي بسيط
""كيفما كنعيشو فالوسط ديالنا كنقولو بلي كل واحد عندو قيمة فالمجتمع وفنفس الوقت هاديك القيمة عندها مصدر مثلا الملك والمخزن عندهم قيمة حيت كيمتلكو السلطة .مثلا فالبادية شي واحد غني عندو قيمة بين الناس هديك القيمة كيعطيها ليه المال ومثلا شي عالم عندو معرفة تا هو عندو قيمة مصدرها العلم ...كذلك شيخ في الدين ... وبزاااف
ولكن المشكل هو انه كل واحد وكيربط القيمة ديالو بشي حاجة نتوما الشباب كاين لي غيقول المال وراكم بزاف هه وكاين لي غيقول العلم ...""
هادي وضعية تخلينا نفهمو المحور اجيو نخرجو اشكالات:
-من أين يستمد الشخص قيمته؟
- ما مصدر قيمة الشخص ؟
-هل قيمة الشخص نسبية أم مطلقة ؟
☆☆غنقول ليكم شي حاجة كيفما انا كنضرب تمارة تا نتا خوذ ورقة وكتب المواقف غنعطيهم ليك ولكن فاي كتابة فلسفية ضروري تبتكر موقف ديالك ☆☆
الموقف الأول
#كانط : هو كيقول ان الشخص يتميز عن باقي الكائنات الاخرى بالعقل وخصوصا العقل العملي الأخلاقي الذي يحدد البطاقة الشخصية الأخلاقية ويعد امتلاكه بابا نحو عالم الاخلاق والكرامة والمساواة ،وهو بهذا العقل يرغم باقي الموجودات على احترامه.
#كانط : من اللخر هاد خونا كانط كيقول ليك بلي الشخص يستمد قيمته من العقل العملي الأخلاقي
الموقف الثاني
#غوسدورف:هو كيأكد أن قيمة الشخص لا تتحدد في انعزال الشخص بل بانخراطه في الجماعة أي في إطار أشكال التضامن وتجسيد جل مظاهر التعاون مع الغير فالانسان لا يستغني عن الجماعة
#غوسدورف :هاد خونا موقف ديالو باين هو ان الشخص كيستمد قيمتو من التعاون ديالو مع الاخرين
بحالك نتا فاش كتعاون الفقراء وكتعامل معاهم مزيان 😉
نزيدو موقف علاش لا غنختصرو
#هيغل : تا هو عندو رأي و هو ان قيمة الشخص تتحدد بالتزامه بالسلوك الخلاقي وامتثاله للقانون وروح الشعب ومبادئ الأمة لكي يسمو الى مرتبة اعلى.
نديرو شنو شفنا
#كانط:العقل العملي الأخلاقي
#غوسدورف :الانخراط في الجماعة
#هيغل :السلوك الأخلاقي والقانون
#الموقف_ديالك:اه الى فهمتي غتنتج موقف ديالك😊


فيسبوك : https://www.facebook.com/Success-academy-bd-2273989802866309/

يوتيوب : https://www.youtube.com/channel/UC33m9nUAi6imzo58bjUXwbQ

مرحبا بك فالموقع :https://succes-bd.blogspot.com/

انستغرام للملخصات :https://www.instagram.com/suc.academy.bd/